आइतबार (भदौ १४) सम्म उक्त फिल्मले ९ लाख ३१ हजार ६२७ वटा टिकट बिक्री हुँदा २५ करोड ६८ लाख ६२ हजार ८० रुपैयाँ ग्रस कलेक्सन छ ।
सोमवार , भाद्र १५, २०८३
काठमाडौं। ब्लकवस्टर फिल्म 'गौथली'ले नेपाली बक्सअफिसमा साढे २५ करोडमाथिको विजनेस गरेको छ । चलचित्र विकास बोर्डले उपलब्ध गराएको विवरण अनुसार हिजो आइतबार (भदौ १४) सम्म उक्त फिल्मले ९ लाख ३१ हजार ६२७ वटा टिकट बिक्री हुँदा २५ करोड ६८ लाख ६२ हजार ८० रुपैयाँ ग्रस कलेक्सन छ ।
यस्तै भदौ ५ गतेबाट प्रदर्शनमा आएको प्रियंका कार्की अभिनीत फिल्म ‘मास्टर्नी’ भने दोस्रो हप्ता चलिरहँदा हालसम्म ३९ लाख ५२ हजार ८५९ रुपैयाँ ग्रस कलेक्सन गरेको छ । जम्मा ११ हजार ९९६ वटा टिकट बिक्री भएका छन्। करोड माथिको लगानीमा बनेको फिल्मले लगानी उठाउने संभावना लगभग सकिएको छ ।
त्यस्तै, साउन २२ गते प्रदर्शनमा आएको फिल्म ‘हली’ले २३ लाख ११ हजार २७० रुपैयाँ र साउन २९ गतेबाट प्रदर्शनमा आएको फिल्म ‘लज्जावती’ले हालसम्म ७ लाख ७५ हजार ४७० रुपैयाँ ग्रस कलेक्सन गरेको छ ।
© 2026 All right reserved to consumernepal.com
Design & Developed By
